Mannskapet er på plass

Sidan båten var på land har det skjedd mykje nytt på båten.

• I starten på Juni var Hansi og Arild på båten og installerte vasstankar og nye batteri.
• Targabøylen som David designa er på plass (bilete kjem snart)
• VHF og GPS er på plass
• Ny dynamo var nesten på plass, men er nå på ein liten ferie i Stavanger.
• Heile det elektriske anlegget håper me er på plass, men er litt usikre ettersom dynamoen sa takk for seg og ville til heim att ein liten tur...
• Nett til oppbevaring av saker og ting er montert over dei fleste køyene.
• Stereoanlegget er på plass og er testa ut. Med så mykje høgtalarar tenker eg det skal bli liv når me kjem og legg til på gjestebryggene rundt omkring i Europa.
• Nødflåten har vore på ein siste sjekk før turen, seil er henta frå seilmakeren, vindgenerator og solcellepanel er nesten på plass og mykje meir som me ikkje kjem på no i farta.

Denne helga har heile mannskapet vore samla på båten for første gong og me er skjønt enige om at det er mykje arbeid som gjenstår før me er klare til avreise, men har stor tru på at me er ferdige til å kaste loss fredag 15. juli frå Hansnes i Arendal.